Hemsedøler på o-løp i pinsa

Det var fleire hemsedøler på o-løp i pinsehelga. Laurdag sprang Eiril og Tindre Rygg Bekkevold Pinsesprinten på Hamar, der løypene gjekk på kryss og tvers over heile Domkirkeodden.

Fam. Marston og Ulsaker sprang pinseløpa i Kongsberg. Fam. Marston deltok alle 3 dagane, medan 4 stk. Ulsaker var med laurdag og sundag. Laurdag vart Neil nummer 5 av 27 startande i H45, sundag vart Sindre nummer 3 av 33 startande i H15-16 og på måndag vart Vendula nummer 5 av 11 startande i D21. Vendula og Neil sprang same løype på måndag og Vendula var eitt sekund bak Neil, altså ein skikkeleg familieduell!